Gihimakak sa Malacañang ang walay basehan nga mga pasangil ni Ako Bicol Partylist Rep. Zaldy Co batok kang Presidente Ferdinand Marcos Jr.
Namahayag si PCO Secretary Dave Gomez, nga ang presidente mismo ang mibisto sa mga iregularidad ug naghimo sa mga lakang aron mapanubag ang mga nalambigit, mapabalik ang nawala nga pondo, ug mahan-ay ang sistema aron malikayan ang subling pagtumaw sa susamang suliran.
Gipamugos ni Gomez nga ang mga akusasyon walay igong ebidensya ug dili makatarunganon.
Gumikan niini, iyang gihangyo si Co nga mupauli sa Pilipinas aron personal nga muhatag katin-awan sa iyang napagula nga video sa social media.
