Gipahayag sa Chinese Embassy sa Manila ang ilang pagmahay sa pamahayag nga gipagawas sa Department of Foreign Affairs (DFA) sa Pilipinas nga ilang giingong naggamit sa “selective quotation” ug “overinterpretation” nga makapugong sa epektibong komunikasyon ug diyalogo tali sa duha ka nasud.
Subay sa social media post sa Embahada, ang diplomasya kinahanglan nga matinud‑anon ug diretso aron malikayan ang mga sayop nga pagsabot ug misjudgment. Gipadumdum niini ang relasyon sa Tsina ug Pilipinas anaa sa sensitibong yugto ug adunay mga indibidwal nga nag‑undang sa normal nga interaksyon ug kooperasyon.
Gidasig nila ang DFA nga mahimong responsabli aron malikayan ang mga aksyon nga mubutang sa risgo sa relasyon ug peligro sa duha ka nasud.
Una niini, gipamugos sa Chinese Embassy nga ang ilang tumong ug presenya dinhi sa nasud mao ang pag‑lambo sa epektibong komunikasyon ug ang paglikay sa panagbangi o gubat. Ilang gi-awhag ang gobyerno sa Manila nga ipakita ang matinud‑anon nga pamatasan sa diplomasya kay usa kini sa paagi aron masulbad ang mga kalainan.
Gitapos sa embahada ang ilang tubag sa press release sa DFA pinaagi sa pag-ingon nga nagpabilin ang ilang pagsalig ug pagkamatinud‑anon kay mao man kini ang pundasyon sa diplomasya tali sa Tsina ug Pilipinas.
Ania ang tipik sa pahayag ni Chinese Ambassador to the Philippines Jing Quan nga gipalagan sa China
