Mi-resulta sa overtime ang labing kulbahinan nga dula sa Rain or Shine Elasto Painters batok Magnolia Hotshots alang sa Game 3 sa nagpadayong quarterfinal match sa PBA Governors Cup.
Apan nalutsan sa Painters ang Hotshots ug gitapos ang dula sa final score nga 111-106 kagabii.
Gumikan sa kadaugan, abante na sa 2-1 ang serye diin, duha na ang daug sa Painters.
Maoy nangulo sa impresibong kadaugan sa Painters si Aaron Fuller nga mitala sa iyang 29 points ug 11 rebounds.
Midugang niini si Jhonard Clarito pinaagi sa iyang 18 puntos ug 8 rebounds, samtang tag 15 puntos sila Gian Mamuyac ug Andre Caracut.(Bombo Anne Quileste).
