CAGAYAN DE ORO CITY – Motibasyon sa 12 anyos ang iyang dili maayo nga athletics performance sa milabay’ng sports tournament rason nag-doble ensayo kini sa wala pa nag-apil sa Palarong Pambansa 2024 didto sa Cebu City.
Kini ang pagtug-an ni Chardoney Dion De Dios,12 anyos nga grade 6 pupil sa Talusan Elementary School nga taga- Balingasag,Misamis Oriental kon unsay nakapadasig kaniya pagkab-ot sa gold medal sa giapilan niya nga 800 meter run.
Namahayag si Dion nga ang iyang kanhi kapildihan diin siya nagmantiner lang sa katapusang puwesto ang nagtukmod kaniya nga isilsil sa iyang alimpatakan kon unsa man ang gisulti nga gabayan ni Arnold Efren Fermo kinsa coach nila sa athletics girls sa Balingasag.
Tungod sa iyang kalampusan sa Palaro,ganado kining ipalig-on pa ang sunod niya nga performance aron makab-ot ang ambisyon niini nga mahimong usa sa mga national athletes pag-abot sa ensaktong panahon.
Siya miingon nga samtang anaa kini sa iyang hilig sa sports,ayuhon usab niya ang pagtungha kay gusto niya mahimong usa ka abogado.
Kini tungod kay gusto kaayo niya nga makig-debate.
Una nang giangkon ni Dion nga inspirasyon usab niini ang ilang kababayan nga si Jamaica Faith Saligan nga makapila nang gold medalist sa athletics secondary diin sila nagkadungan pag-abot sa Palarong Pambansa 2023 sa kauluhan.
Dumduman nga unang namahayag ang Dept of Education nga hatagan sa cash incentivces ang tanang nakakuha’g medalyang bulawan,silver ug bronse.
Hisayrang namahayag nang daan si Balingasag Mayor Alexis Quina nga kutob sa mga atleta gikan sa ilang lugar nga makakuhag medalya,hatagan niya sa insentibo gikan 20-mil, 15-mil ug 10-mil.
