Nagpagawas sa seryosong pasidaan ang security analyst nga si Zahid Hussain nga ang usa lang ka insidente mahimong mopabutog balik sa giyera tali sa Amerika ug Iran.
Kini human ang gipahigayon nga panagsabot sa Islamabad, Pakistan, natapos nga walay nakab-ot nga bisan unsang pormal nga kasabutan.
Matud ni Hussain, pabilin nga delikado ang sitwasyon tungod kay wala pa’y klarong settlement bahin sa nuclear program sa Iran ug sa kontrol sa Strait of Hormuz.
Tungod sa kapakyasan sa maong negosasyon, mitaas karon ang tensyon sa maong rehiyon.
Samtang sa pikas bahin, Giawhag karon ang duha ka nasud nga magmabinantayon aron malikayan ang bisan unsang probokasyon nga mahimong hinungdan sa hingpit nga panag-away sa militar. (Jane Abulag)
