Gihulagway sa militar sa Pakistan ang ilang baroganan isip “mabinantayon apan malaumon” bahin sa mga paningkamot sa pagpataliwala sa walo ka bulan nga panagbangi tali sa Iran ug Estados Unidos.
Gipahayag ni Lieutenant General Ahmed Sharif Chaudhry, tigpamaba sa militar, nga adunay positibong mga timailhan sa diplomatikong paningkamot, ilabina human sa pagbisita ni Field Marshal Asim Munir sa Tehran uban sa mga opisyal sa Saudi Arabia ug Turkey.
Gipatin-aw usab ni Chaudhry nga walay probisyon sa kasabutan sa hiniusang pagpanalipod tali sa Pakistan, Saudi Arabia ug Turkey nga magdili sa Iran sa pag-apil niini, samtang gipasiugda niya ang pasalig sa Pakistan sa pagpanalipod sa Saudi Arabia ug ang ilang pagkawalay labot sa panagbangi sa Yemen.
Dugtong niini, palig-onon usab sa militar sa Pakistan ang mga operasyong kontra-terorismo sa Khyber Pakhtunkhwa human gisuspenso sa pederal nga kagamhanan ang administrasyon sa maong probinsya. (raniel mahunyag)
