CAGAYAN DE ORO CITY-Nakompiskar sa hinuusang operasyon sa CIDG-Caraga Region kauban ang PNP-10 ug Bureau of Internal Revenue o BIR Central Office ang bilyong kantidad sa buwis nga gilikayan bayran sa mga negosyanteng intsik dinhi sa syudad ug lalawigan.
Kini human lusuba sa grupo ni CIDG regional director Supt Cholijun Caduyac kauban ang BIR ug PNP-10 ang paktorya sa mga sigarilyo nga nakabase sa Brgy Poblacion, Villanueva, Misamis Oriental.
Miingon si Caduyac nga unang nagpalusot ang maong mga negosyante sa mga sigarilyo sa Caraga ug Davao Regions ayha nabulgar nga gikan sa Northern Mindanao ang suplay niini.
Mag-atubang sa mga kaso ang mga tag-iya sa warehouses diin nakuha ang mga makina paghimo’g sigarilyo ug mismo ang mga produkto niini nga ipalusot unta padulong sa ubang bahin sa Mindanao.
Samtang gipanag-iya na sa gobyerno ang pipila ka cigarette warehouses nga ronda.
Kini human nasayran nga walay mga permiso gikan sa gobierno ug wala nagbayad buhis ang mga negosyanteng Intsik samtang nag-operate sa maong mga balay-patigayon.
Miingon si Bureau of Internal Revenue o BIR-Manila revenue head Remedious ‘Sonny’ Advincula Jr nga hangtod dili makabayad sa buhis ang maong mga patigayon, magpabilin usab nga sigarado ang warehouses nga na-ronda nila sugod pa kagahapong adlawa.
Nasayran nga inisyal nga anaa sa 30 milyon pesos ang balor sa mga peke nga sigarilyo nga nakuha sa mga otoridad sa simultaneous operations.
