CAGAYAN DE ORO CITY – Gidepensa ni city administrator Teodoro Sabugaa Jr kon nganong wala makatambong si re-elected City Mayor Oscar Moreno ug ang daghan miembro sa super majority sa city council sa unang adlaw sa ilang trabaho kagahapong adlawa.
Kini human unang mitambong ang miembro sa minoriya sa konseho sa flag raising nga sila reelected Kag Atty Lordan Suan ug Kag Jocelyn Rodriguez.
Namahayag si Sabugaa nga wala nila obligaha ang elected officials sa pagtambong apan kaugalingong inisyatiba niini kon makigduyog kini sa senemanang pagpakayab sa nasudnong bandila.
Pagpasabot ni Sabugaa nga bag-uhay lamang nanumpa si Moreno diin sagad mohatag sa pakigpulong matag- flag raising sulod na sa unom ka tuig sa iyang pagka-mayor sa syudad.
