Giguyod ang passenger plane sa Philippine Airlines gamit ang pisi tungod sa palyado nga ligid sa paglanding sa Labo Airport, sa Barangay Labo, Ozamis City, Misamis Occidental, kagahapon sa buntag.
Maoy nakasinati sa aberya ang PAL Flight PR2889 a gikan sa Manila padulong sa Ozamiz.
Ang eroplano milampus sa paglanding sa runway, apan tungod sa nose wheel steering issue, dili kini makalihok padulong sa terminal building gamit ang kaugalingong kapasidad.
Hinoon, luwas nga nakagawas sa abyon ang 161 ka mga pasahero, apan milungtad sa 45 minutos ang ilang pag-antos, ayha sila tuguti nga ipagawas.
Tungod sa maong insidente, pipila ka mga biyahe ang nakanselar ug daghang pasahero ang naapektuhan.
Wala pay opisyal nga pamahayag nga gipalugwa ang PAL sa maong insidente.
Ania ang video gikan sa mga nakasaksi sa maong insidente.
