Gituldukan na ni Presidente Ferdinand Marcos Jr ang tanan klase sa “palakasan system” sa pagtukod sa farm-to-market road projects (FMR).
Gihimo ni Marcos ang pahayag human siya nangulo sa pagsubo sa Union Water Impounding Dam sa Claveria, Cagayan.
Sa iyang pakigpulong sa kadagkuan sa DPWH, LGU’s, private ug civic organizations, lakip ang mga mag-uuma ug residente, mitin-aw ang presidente nga makalaum ang katawhan sa patas nga pagpalu-ag sa mga proyekto, ubos sa iyang administrasyon, nga walay palakasan system.
Namugos ang presidente ang pagtukod sa Farm to Market Road muagi sa tumang ebalwasyon aron masiguro nga mapuslan ang pondo nga gigahin alang sa proyekto.
Subli, nagpasidaan ang presidente sa tanan opisyal sa DPWH nga obligado na nga mosunod sa usa ka national masterplan aron masiguro nga ang mga dalan moagi sa mga lugar nga tinuod nga nanginahanglan ug suporta sa agrikultura.
Kini maoy tubag ni Marcos sa dugay nang panawagan sa mga mag-uuma sa managlahing lugar sa Pilipinas
