CAGAYAN DE ORO CITY-Nahurot kaugdaw tungod sa sunog ang four storey nga Palaña Grocers ug nadamyos ang pipila ka andana sa Hotel Conchita nga gipanag-iya sa negosyante nga si Angelo Ang diha sa Yacapin-Guillermo Streets sa syudad nga nagsugod pa kagabii.
Kini human kalit miaso ug gilayong nasundan sa pag-ulbo sa kalayo samtang giayo ang centralize aircon sa maong
patigayon.
Gibutyag sa Palaña Grocers custodian officer nga si Henry Balansag nga unang nasimhutan niini ang kabaho sa goma ug misugat na kanila ang dakong aso gikan sa unang andana sa Hotel Conchita.
Una niini,gibutyag usab ni SFO1 Dennis Dalis sa Bureau of Fire Protection nga anaa sa inisyal nga P7 milyon pesos ang structural damage sa maong sunog.
