CAGAYAN DE ORO CITY – Nasubo pag-ayo ang Cagayan de Oro Press Club o COPC sa kalit nga kamatayon sa respetado ug 1987 Palanca Awards first place awardee nga si Lina Sagaral-Reyes ning syudad kaganihang hapon.
Miingon si COPC Pres. Froilan Gallardo nga dili lang ordinary nga sakop sa media community ang 63 anyos nga si Reyes apan bisan sa Philippine Literature setting.
Gidumdom ni Gallardo kon unsa ka dako ang kontribusyon ni Reyes dili lang sa COPC apan bisan sa ubang mga organisasyon aron mapalig-on ang industriya.
Gawas sa pagsilbing multi-awarded journalist ug artist sa dugay’ng katuigan, adbokasiya usab niini ang proteksyon sa katungod sa kababayen-an ug sayon nga pagbaton sa mental health services alang sa mga nanginahanglan.
Dumduman nga nakahimo pa sa updated posting sa iyang medical admission si Sagaral gikan sa city hospital hangtod sa Northern Mindanao Medical Center.
Wala na ihisgot sa COPC ang hinungdan sa kamatayon sa biktima isip paghatag sa taas nga respeto niini.
Hisayrang daghang ang nakaila ug dunay taas nga respetado kang Sagaral tungod sa pagbaton niini sa dili tiaw’ng abilidad ug talento sa industriya.
