CEBU CITY – Tak-upan na ning adlawa ang 2024 Palarong Pambansa didto sa Cebu City.
Dunay mga indikasyon nga i-dayon ni Vice President Sara Duterte ang pagsilbing “keynote speaker” sa closing ceremony sa tinuig nga palaro.
Dumduman nga tak-om ang baba sa DepEd sa pangutana sa media kung dungan ba nga mutunga sila Pres.Bongbong Marcos ug ug bise presidente Duterte ning adlawa.
Dili gusto sa DepEd nga masagulan sa kolor sa politika ang usa sa labing dakong event nga gipaluyuhan sa ilang ahensya.
Sa ulahing data sa palaro, anaa na sa 96.20% ang natapos nga mga dula ug awarding ceremonies diin 405 ka bulawang medalya ang na-apud; 404 silver ug 503 ang bronze.
Nagpabiling kuwestiyonable ang kadaugan sa mga track and field runner sa 400 meter run human wala pa makapagawas sa resulta sa imbestigasyon ang DepEd sa kontrobersyal nga sukod sa track oval.
Subay sa medal tally ang Northern Mindanao Regional Athletics Association milanding lamang sa ika-siyam nga puwesto sa overall rankings, kundiin siyam ang nakuhang bulawan; 6 ang silver ug 18 ka bronze.
Sa elemtary level, nakasulod sa 5th place ang NMRAA pakyas nga makasulod sa top 10 ang mga representante sa NorMin sa Highschool category.
Una niini, midepensa si Cebu City Sports Commission Chairman John Pages sa reklamo sa organizers sa Palaro nga kulang sa dos metros ang 400 meter run track oval sa Cebu City Sports Complex.(Bombo Anne Quileste).
