Gipangusgan sa Palasyo nga walay naglungtad nga selective justice o pinili nga hustisya sa administrasyon ni Pangulong Ferdinand Marcos Jr.
Subay kini sa tubag sa kagamhanan ngadto sa mga pagsaway sa Iglesia Ni Cristo (INC) nga nagpunting sa giingong dili patas nga pagpadagan sa sistema sa balaod sa nasod.
Sumala ni Presidential Communications Office (PCO) Undersecretary Claire Castro, usa ka lig-ong pamatuod nga walay gidapigan ang gobyerno mao ang pagpasaka usab og mga kaso batok sa mga opisyal nga mismong kaalyado sa administrasyon.
Dugang pa ni Usec. Castro, gidasig ang publiko nga modiretso ug moatubang sa korte kung adunay mga ebidensya batok sa bisan kinsang indibidwal, bisan pa man sa posisyon o relasyon niini ngadto sa gobyerno.
