Mipahayag ang Malakanyang nga walay husto nga basehan ang mga alegasyon bahin sa planong pagpasaka sa impeachment complaint laban kang Presidente Ferdinand Marcos Jr.. Una nang gibutyag ni Caloocan 2nd District Rep. Edgar Erice nga posibleng pasakahan sa impeachment complaint karong bulan sa Pebrero ang Presidente gumikan sa mga impormasyon nga nakalap sa ubang mga Congressman. Matud pa ni Erice nga dili lang si VP Sara ang posibleng sakahan karon sa impeachment complaint diin mag-expire na ang “1-year ban rule” sa ika-6 nga adlaw sa Pebrero. Wala gipang-nganlan ni Erice kung kinsa nga mga mambabalaod ang adunay plano sa impeachment diin giklaro usab niya nga wala siyay i-endorso niisa, kung anaa man gani nga impeachment complaint. (Phillip Ariata)
