CAGAYAN DE ORO CITY- Gipasalig sa Malakanyang nga sulbaron pinaagi sa DILG ang political calamity nga nahitabo sa lligan City.
Kini human gisuspenso sa Ombudsman si Iligan City Vice Mayor Jemar Veracruz kuyog ang laing 12 ka konsehal tungod sa kasong simple misconduct.
Giangkon ni Presidential spokesperson Harry Roque nga maglisod si Iligan City Mayor Celso Regencia paghatag sa aksyon sa mga apektado sa bagyong Vinta kay duha ka konsehal lamang ang nabilin sa city council.
Ipasar unta sa mayoriya sa konseho ang state of calamity resolution sa Iligan City dihang gisilbi sa DILG ang suspension order sa miaging semana.
Hisayrang gisuspenso sa kapin bulan si Veracruz ug laing 12 ka konsehal tungod sa kaso gipasaka ni kanhi Iligan City Rep Vicente Belmonte kang Regencia.
