CAGAYAN DE ORO CITY-Gisahon na usab sa public utility committee sa konseho ang kadagkuan sa Cagayan de Oro Water District o COWD ug Rio Verde Consortion sa syudad ugmang adlawa.
Kini tungod sa pakyas nga saad sa duha ka buhatan nga mabalik sa normal ang water suplay alang sa 45-mil ka pamilya nga apektado ilabina ang gikan sa western part sa syudad ug Opol,Misamsi Oriental.
Gibutyag ni Kag Bong Lao, chairman sa komitiba nga dili mahimo nga binuangan lamang sa COWD ug Rio Verde ang katawhan pinaagi sa ilang mga bakak nga saad.
Una nang nag-antos sa walay suplay sa tubig ang 20-mil ka households tungod sa pagpasagad sa duha ka grupo sugod Setyembre 26 hangtod Oktubre 7 ning tuiga.
Samtang giangkon sa kadagkuan sa COWD nga wala pa sa normal ang water suplay nga nahatag sa Rio Verde Consortiom alang sa katawhan sa syudad ug lalawigan.
Kini bisan nga 40-mil cubic per meter kada-adlaw pa ang napasulod sa Rio Verde sa delivery area sa COWD.
Miingon si Engr Eduard Tesuro,manager sa COWD Production Dept nga may mga bahin sa syudad nga dili normal ang pag-suplay hinungdan nga gipadayon ang pag-rasyon sa tubig.Gitakdang makabalik sa normal water suplay ang Rio Verde sa adlaw nang Lunes.
