CAGAYAN DE ORO CITY-Dili angayan mupungko pagka-presidente ang kandidato nga walay gisang-at nga sertipiko de kandidatura sa Commission on Elections.
Kini ang hagit ni USAFFE founder Atty Ely Pamatong sa kapulisan human siya masang-atan sa dugang kasong “usurpation of president’s authority” tungod kay nagpaila siyang “de jure president” sa Pilipinas.
Gibutyag ni ni Pamatong nga sayon sulbaron ang maong kaso hinungdan nga nagpasalamat pa kini sa gihimo sa mga otoridad.
Gani,iyang gipamugos ang pinakadali nga paagi aron mapamatud-an kog lehitimo ba nga presidente si Rodrigo Duterte.
Samtang maghulat ang Criminal Investigation and Detection Group – Cagayan de Oro City Unit sa tubag ni Ely Pamatong sa upat ka kaso nga ilang gisang-at sa piskalya batok niya.
Gibutayg ni SPO4 Noel Oclarit,chief investigator sa CIDG-10 nga may katungod si Pamatong nga mupasakag kaso batok sa ilang buhatan apan kumpyansa kining maduot ang nasampit nga indibidwal tungod kay duha sa gisang-at nga kaso walay piyansa.
Alang kang Oclarit, pagdagmal sa batakang balaod ang iyang pagpalihok sa iyang mga sakop nga armado, pagpaila nga siya ang presidente sa Pilipinas ug ang pagbali sa nasudnong bandila nga nagpasabot nga gusto nilag gubat.
Gawas niini, nakalapas usab ang ubay-ubay nga ihap sa iyang mga sakop sa pamalaod sa armadong kusog ug kapulisan human nila sol-uba ang uniporme nga wala silay igong katungod ug lisensya.
