CAGAYAN DE ORO CITY-Wala na makurat ang founder sa United States Allied Freedom Fighters of the East o USAFFE nga si Atty Ely Pamatong sa pagbasura sa Korte Suprema sa iyang quo warranto petition batok kang Presidente Rodrigo Duterte.
Miingon si Pamatong nga wala na siya lauman nga pabor nga desisyon sa mga mahistrado tungod kay impluwensyado si Duterte sa Korte Suprema.
Pabilin nga gipamugos ni Pamatong nga dili angay nga mahimong presidente sa nasud si Duterte tungod kay pakyas siya nga makaduso sa iyang certificate of candidancy dihang nagpapili niadtong 2016 presidential elections sa nasud.
Hisayran nga nakalatid sa desisyon sa SC en banc nga wala mapamatud-i ni Pamatong ang iyang mga akusasyon ug siya pa mismo ang gideklara nga nuissance candidate sa miaging piliay.
