CAGAYAN DE ORO CITY – Mihangyo ang pamilya Dormitorio sa ubang PMA cadets nga may kasayuran sa pagka-hazing sa iyang igsoon nga mohatag impormasyon sa kapolisan.
Kini sa tuyo nga mahingpit na ang pagkaputol sa maong binuhatan diin looy ang mga mahimong sunod nga biktima.
Gihimo ni Dexter Dormitorio ang pahayag nunot sa gitakdang pagdalikyat niini sa Baguio City aron mokaso batok sa mga mga kadete nga mipatay sa iyang igsoon nga si PMA Cadet 4th Class Darwin Dormitorio.
Si Darwin ang namatay tungod sa grabeng kulata sa mga kadete sugod sa Hulyo,Agosto ug Setyembre ning tuiga.
Miingon si Dexter nga dili lamang kini pakigbisog sa ilang pamilya alang sa iyang manghod apan bisan sa ubang indibidwal nga biktima gihapon sa hazing nga gitago lamang.
