CAGAYAN DE ORO CITY – Gidawat sa pamilya Dormitoryo ang pagpangayo’g pasaylo mismo ni AFP chief of staff Lt Gen Noel Clement.
Kini human namatay tungod sa grabeng kulata si Cadet 4th Class Darwin Dormitorio samtang nagtungha pagkasundalo sa Philippine Military Academy o PMA sa Baguio City.
Miingon ang tigpamaba sa pamilya nga si Dexter Dormitorio nga kutob ra sila pagdawat sa pasaylo ni Clement apan i-pursige nila ang pagkaso batok sa pito ka kadete pinanguluhan ni PMA Cadet 1st Class Axl Ray Sanupao gumikan sa kamatayon ni Darwin.
Hawid na usab sa pamilyang Dormitorio ang draft sa kaso nga gihan-ay sa PNP Baguio City batok mga suspek diin gipa-rebyo nila sa ilang abogado.
Si Darwin ang namatay sa hazing dihang gisugda’g kulata pito ka kadete sulod sa PMA sa bulan sa Hulyo,Agosto ug Setyembre ning tuiga.
