CAGAYAN DE ORO CITY – Gikalipay sa pamilya Dormitorio ang pagpa-aresto sa lima sa daghang akusado nga gitudlong responsable pagpatay kang late PMA Cadet 4th Class Darwin Dormitorio didto sa Baguio City.
Kini human nakit-an ni RTC Branch 5 Presiding Judge Maria Ligaya Rivera nga dunay basehan ang kasong murder ug anti-hazing law batok sa mga akusado.
Miingon ang igsoon ni Dormitorio nga si Dexter Dormotorio nga nakahatag kini’g kagaan sa ilang gibati samtang gitinguha nga makuha ang hustisya batok sa hitabo.
Kabahin sa gimando ni Rivera nga dad-on sa iyang atubangan sila si PMA Station Hospital officials Capt Flor Apple Apostol,Maj Maria Ofelia Beloy,Lt Col Ceasar Candeleria,senior cadets Felix Lumbag Jr,Shalimar Imperial Jr ug Julius Carlo Tadena.
Samtang kapanaminan sa tanang kadete ang gidangatan sa tulo ka PMA cadets nga gipadakop sa korte tungod sa pasangil nga nakahimo’g pagsupak sa anti-hazing law sulod sa akademya sa Baguio City.
Kini ang reaksyon ni PMA Cadet Commandant Brig Gen Romeo Brawner Jr alayon sa mando nga ibalhin na sa regular jail ang tulo ka military hospital officials ug laing mga kadete nga suspek pagpatay kang Dormitorio.
Miingon si Brawner nga sa kanunay andam mosunod ang AFP sa balaod hinungdan itugyan nila ang ilang mga kauban aron atubangon ang salaod batok kanila.
Si Dormitorio ang unang gi-diagnose nga nagka-urinary tract infection apan pag-otopsiya sa NBI,daghan sa iyang mga bukog ang nabali tungod sa grabeng pagkulata.
