Gibulgar ni kanhi Presidential Spokesman Atty Harry Roque nga miligid na ang imbestigasyon batok sa kasong money laundering sa Pamilya ni Presidente Ferdinand Marcos Jr.
Subay sa latest social media post ni Roque, iyang gibutyag nga ang Pamilya Marcos, nalambigit sa dako nga transaksyon sa bulawan.
Kini nga transaksyon gibana-bana nga mukantidad sa 100 bilyon US Dolyares.
Si Roque miingon nga ang Anti-Money Laundering Department sa Hong Kong Monetary Authority maoy nagmugna sa espesyal nga task group aron imbestigaran ang shipment sa 350 tonelada sa bulawan.
Giila ni Roque ang usa ka Mr Peng, isip whistleblower sa maong isyu.
