Naghangyo ang City Social Welfare and Development nga likayan ang pagpanangil ug pagpamasol samtang padayon ang imbestigasyon sa P4.5 million nga sunog sa Barangay Lapasan.
Nanawagan si CSWD DRRM Head Sofia Tongson sa publiko nga dili lang una pangunahan ang Bureau of Fire Protection samtang wala pa mugawas ang opisyal nga resulta sa gihimong imbestigasyon.
Gihimo sa opisyal ang maong awhag human hapit nadapatan ug kinahanglang ipahilayo sa evacuation center ang pamilya nga gibamasol nga nagsugod sa kayo tungod sa dakong kasuko sa mga residente.
Nagpabilin sa P4.5 million ang gibanabanang kadaot sa maong trahedya diin miabot sa 92 ka mga balay ug pamaagi sa panginabuhi ang naugdaw.
Samtang nagpadayon usab ang pag-monitor sa mga awtoridad sa posibleng motibo sa sunog gumikan sa natalang panaglalis sa magtiayon sa wala pa nahitabo ang maong insidente
