CAGAYAN DE ORO CITY – Hustisya ang singgit sa usa ka ginang human gipatay sa iyang atubangan ang iyang bana sa gituohang grupo sa New Peoples Army sa Bukidnon.
Namahayag si Ginang Elizabteh dela Torre nga walay kalooy ug brutal nga gipatay sa NPA ang iyang bana nga miyembro saCivilian Armed Forces Geographical Unit (CAFGU).
Gisaysay sa ginang nga gipanghublot silang duha sa iyang bana nga si Pablo Omblero sa pito ka armadong lalaki sulod sa ilang balay sa Barangay Batangan, Valencia City ug gidala sa lasang nga bahin sa syudad.
Lab-as pa sa padumduman sa ginang ang pagpusil sa mga rebelde sa ulo ug sa kasing-kasing sa iyang bana sa makaduhang higayon.
Gi-angkon sa ginang nga wala siya masayud nga kontra sa iyang bana ang mga sakop sa CPP-NPA.
Hisayran nga human sa insident gibiyaan sa lasang ug gibaharan sa NPA ang ginang nga dili musumbong sa mga otoridad sa nahitabo sa iyang bana.
