CAGAYAN DE ORO CITY-Gikalipay sa pamilya nga dakong buhi ang pulis nga gidagit sa rebeldeng New People’s Army o NPA sa Brgy Diminorog,Talakag,Bukidnon sa miaging mga adlaw.
Kini human personal nga nakita ug nadungog ni Stephanie Natividad ang video nga gi-upload sa mga NPA diin unod si PO3 Gerome Anthony Natividad.
Gibutyag ni Natividad nga dili matukib ang ilang kalipay kay natubag sa mga rebelde ang pangandoy niini nga makit-an ang iyang kapikas.
Una nang gibutyag ni PO2 Natividad nga dili lamang mabalaka ang iyang pamilya tungod kay wala siya unsaa sa mga rebelde samtang anaa sa ilang kustodiya sa kabukiran.
Ang maong pulis ang unang nadagit sa mga rebelde samtang nagsakay sa motorsiklo nga padulong unta sa Camp Alagar alang sa iyang requirment compliance sa pag-schooling niini.
