Walay kabutangan ang kalipay sa pamilya sa mga biktima sa drug war human gikumpirma sa ICC Appeals Chamber ang hurisdiksyon ug ang confirmation of charges batok kang kanhi Presidente Rodrigo Duterte.
Matod ni Naneth Castillo, inahan sa usa sa mga biktima, dugay na nilang gipaabot ang maong kalamboan kay para kanila klaro ang mga ebidensya sa mga panghitabo nga ilang nasinati.
Giingon niya nga isip mga nabilin nga pamilya, ang desisyon naghatag og kusog ug paglaum nga magpadayon ang ilang pagpangita og hustisya.
Dugang pa niya, giila usab ang ICC nga usa sa mga institusyon nga nakadungog sa ilang reklamo human sa taas nga panahon sa paghulat.
Busa, alang kang Castillo, ang maong desisyon usa ka hinungdanon nga lakang padulong sa ilang gitinguha nga hustisya alang sa ilang mga minahal.
