CAGAYAN DE ORO CITY-Dili na intresado ang pamilya nga ipaubos pa sa otopsiya ang patay’ng lawas sa suspected drug pusher nga napusilan-patay atol sa buy bust operation sa lungsod sa Manticao, Misamis Oriental.
Kini human giingong nagpirma na’g waiver ang pamilya sa suspek nga si Lermie Lunas, 21 anyos nga taga-Naawan ning lalawigan nga dili na sila makisusi pa sa gidangatan niini.
Miingon si Manticao Police Station commander Sr/Insp Marlou Lanioso nga nagbaton sa upat ka pinusilan ang suspek dihang nahitabo ang illegal drug transaction sa maong lungsod sa miaging semana.
Una niini, gipusil daw sa suspek ang pulis nga gika-transaksyon niya droga hinungdan nga gilayong mi-responde usab ang mga kauban nga nagbantay sa palibot.
