CAGAYAN DE ORO CITY-Subli nangayo’g tabang sa Bombo Radyo ang pamilya sa pulis drug-pusher suspect human makadawat ug report nga posibleng ilikidar sa mga otoridad samtang dad-on padulong sa usa ka korte ning syudad.
Segun ni Inday Almanzor, gisulti sa iyang igsoon nga si PO2 Arnorld Almanzor nga siya idu-ot pa sa iyang kaso o posibleng hipuson oras nga dili niya itug-an ang mga ngalan sa mga pulis nga nagprotektar kaniya.
Gibutyag ni Inday nga gusto madunggan ni Tagoloan Police Station commander C/Insp Albart Tare kon kinsa ang mga pulis nga kauban niyang nag-negosyo sa shabu.
Una niini,kusganong gihimakak ni Tare ang pasangil sa pamilya ni Almanzor nga planted ang mga ebedensiya nga ilang nakuha ug angay pa gani magpasalamat kay buhi nila nasikop ang suspek atol sa buy bust operation sa Tagoloan ning lalawigan sa miaging semana.
