CAGAYAN DE ORO CITY-Pugson sa ginang nga magsilbing inahan-amahan ang pagkayod aron mabuhi ang duha ka anak niini nga gagmay pa diha sa Brgy Lapasan ning syudad.
Pahayag kini Paulyn Flores kinsa kapikas sa drug pusher suspect nga gipusil-patay nga si Jonie Rey Flores,26 anyos sa maong lugar kagabii.
Giangkon ni Flores nga nag-undang na ang biktima sa pagbaligya’g shabu ilabina nga nadungog nga kini dakpon sa mga otoridad.
Nahadlok ang biktima nga masapon hinungdan nga napakyas kini pag-remit sa halin sa gibaligyang shabu nga gipanag-iya sa Maranao-Muslim nga si Abdul Wahab alyas Willy.
Unang nasuko ang suspek sa wala pag-remit sa kinitaan sa biktima hinungdan nga gipusil kini sa gamit ang kalibre 45 nga armas diin naigo ang ulo nga nagresulta sa kamatayon niini kagabii.
Una usab niini,naghangyo ang inahan ni Jonie Rey nga si Judith Dayata sa kapolisan nga unta masikop si Wahab aron manubag sa nahitabo.
