CAGAYAN DE ORO CITY – Giila sa pamilyang Uy nga kadaugan dili lang alang kanila apan mismo sa katawhan ang pag-atras sa Commission on Elections sa disqualification case batok sa kandidatura ni Carmen Punong Brgy Kikang Uy sa distrito uno ning syudad.
Kini ang reaksyon ni City Mayor Rolando ‘Klarex’ Uy kabahin sa pinakaulahing lakang sa Comelec-Law Dept nga maoy misang-at sa motu propio case batok sa iyang anak.
Miingon si Janboy Actub, tigpamaba ni Mayor Klarex nga dili makiangayon nga pihigon ang katawhan sa ilang kagustuhan kon asa nila gusto magpa-rehistro ug mobotar sa sunod tuig nga eleksyon.
Kini ang rason nga nalipay ang pamilyang Uy sa kalambuan sa maong kaso nga alang kanila walay lig-ong basehan ang maong sumbong.
