CAGAYAN DE ORO CITY – Nangayo na’g direktang tabang ang pamilya ni late Cogon Police Station commander Captain Abdulcahar Armama sa buhatan ni Cagayan de Oro 1st District Cong. Lordan Suan ning syudad.
Kini aron mapadali ang pagkab-ot sa hustisya sa gidangatan ni Armama nga gipusil-patay sa motorcycle in tandem suspects sa Brgy Bulua sobra 3 ka semana na ang milabay.
Miingon si Suan nga tabangan niya kutob sa ilang makaya ang maong pamilya alang sa kahupayan sa kasakit ug kasub-ana nga gibati niini.
Si Armama kinsa miembro sa PNPA ang giulo pagpusil-patay samtang ubos sa pagtoo nga nakabangga niini ang pipila ka sindikato sa mga kalihukang illegal ubos sa iyang hurisdiskyon sa Cogon Police Station.
Hisayrang may gitukod usab nga task force Armama diin padayon pa ang pagpangita sa mga ebedensiya aron matumbok ang mga suspek ug maduso ang tukamng kaso sa korte.
