CAGAYAN DE ORO CITY – Hatagan sa hugot nga seguridad sa PNP-Baguio City si Dexter Dormitorio nga gilauaman nga mokuyog pagpasaka sa kasong violation sa anti-hazing law ug posibleng murder batok sa pito na ka kadete gikan sa Philippine Military Academy o PMA.
Kini human namatay sa pagpuli-puli’g kulata sa maong mga kadete si PMA Cadet 4th Class Darwin Dormitorio sa magkalahi nga bulan sa Hulyo,Agosto ug Setyembre ning tuiga.
Miingon si Baguio City Police Office Director Col Allen Rae Co nga una nang nagpasalig kaniya si Dexter nga modalikyat ning adlawa sa iyang opisina aron dungan ipasaka ang kaso piskalya batok sa mga suspetsado.
Hinoon,gibutyag ni Co nga wala pa’y bisan unsa nga bahad sa kinabuhi nga posibleng nadawatan ang pamilya ni Darwin sukad gipursige ang pagkaso batok sa pito ka kadete.
Nadiskobre usab sa pamilya nga usa sa mga akusado ang anak sa army colonel nga grawado gihapon sa PMA Class 1991.
