CAGAYAN DE ORO CITY – Kontento ang pamilyang Dormitorio sa dagan sa imbestigasyon sa kamatayon ni Philippine Military cadet 4th class Darwin Dormitorio.
Miingon si Dexter Dormitorio nga nalipay sila tungod kay kada-adlaw adunay update ang kapolisan sa ilang imbestigasyon sa nahitabo sa iyang manghod.
Naglaum na lamang si Dexter nga magpabilin nga dayag ug walay white wash ang imbestigasyon aron maangkon sa ilang pamilya ang hustisya sa kamatayon ni Darwin.
Gani, gikalipay usab ni Dexter ang boluntaryong pag-surrendeer sa usa ka kadete nga kabahin sa mikulata kang Darwin.
Siya miingon nga dako ang iyang pagtoo nga dili lang kay tulo o upat ka tawo ang nagtabang sa pagkulata sa iyang manghod.
