Gipahinumdoman sa Inday Sara Movement Philippines pinaagi ni Daniel Nobleza ang publiko nga napamatud-an sa cross-examination sa Impeachment Court nga walay pondo gikan sa gobyerno sa China nga nisulod sa akawnt sa pamilya sa Bise Presidente.
Tungod niini, gipasabot sa opisyal nga gibawi ug gi-korehi sa Anti-Money Laundering Council ang unang mga pamahayag human ma-kwestyon sa mga abogado sa depensa.
Gumikan niini, gibati og kabalaka ang grupo sa posibilidad sa pagkahulog sa kaso sa mistrial ug sa paghatag og maling panan-aw sa katawhan pinaagi sa dili sakto nga pagpahayag sa mga argumento sa prosecution.
Gidugang pa sa opisyal nga kinahanglang susihon og maayo sa mga tawo ang matuod nga rekord aron dili matuohan ang mga bakak nga pasangil nga nagkonekta sa pamilya sa langyawng nasud.
