CAGAYAN DE ORO CITY – Gihinaut sa pamilyang Labrador nga unta makab-ot sa kabanay ni Negros Oriental Gov. Roel Degamo ang dinaliang hustisya sa gidangatang kamatayon niini.
Kini ang emosyonal nga pahayag sa kapikas nga si Salome Labrador kinsa naapil ang iyang bana nga si kanhi Army Sgt Joric Labrador nga nadakpan ug gikasuhan sa kamatayon ni Degamo sa miaging semana.
Miingon si Gng Labrador nga gikaguol kaayo niya ang gidangatan sa iyang bana kay wala siya masayod nga nakusahan kini sa maong kremin.
Una niini,mibati na’g kahadlok ang pamilya sa maong kanhi sundalo gumikan sa hitabo.
Hisayrang gikasuhan na ang upat ka dinakpang suspek subay sa mga basehan nga nakuha sa mga imbestigador.
