CAGAYAN DE ORO CITY-Gitawag sa pamilyang Rotoras nga ‘character assassination’ ug paghatag malisya ang corruption expose ni Engr Selwyn Lao batok kang USTP president Dr Ricardo Rotoras.
Gihagit ni Eldie Rotoras,kinsa igsoon ni Dr Rotoras si Lao nga presidente sa Wing-An Construction and Devt Corporation nga panumpaan niini ang iyang expose aron sila mag-atubang sa korte.
Gihimakak ni Rotoras nga nalambigit sa bisan unsa nga pagpangawkaw sa bahandi ang igsoon niini kinsa gipusil-patay sa duha ka suspek gawas sa iyang pinuy-anan sa syudad niadtong Disyembre 2,2017.
Samtang gihagit ni Engr Selwyn Lao kinsa contractor nga pakitaan kini sa bug-at nga rason kon nganong gilisud-lisod sila pagkobra sa bayad sa nahunong nga student center construction sa USTP ning syudad.
Kini aron makumbinsir ang Wing-An Construction and Devt Corporation nga dili tinood ang gisulti ni Architect Rey Galua nga nangayo’g 10 porsyento nga ‘kickback’ sa maong proyekto.
Miingon si Lao nga buhi si USTP Pres Dr Ricardo Rotoras ug aktibo pa sa serbisyo si dismissed CHED chairman Patricia Licuanan,may mga kaso na kini giduso batok kanila sa Ombudsman.
