CAGAYAN DE ORO CITY-Mihalad sa “special mass for justice” ang Xavier University Community alang sa kalag ni kanhi Philosophy Instructor Gexie Ray Ungab.
Kini human unang gipatay si Ungab sa wala mailang mga suspek samtang mitambong sa birthday party sa Marawi City sa miaging Nobyembre ning tuiga.
Miingon Xavier University President Fr. Robert “Bobby” Yap, SJ nga nagpadayon ang ilang paghandom nga maangkon sa pamilya ni Ungab ang hustisya.
Gikonsiderar ni Yap nga dili tawhanon ang pagpatay sa kanhi teaching staff sa ilang unibersidad.
Apan wala na gikinahanglan sa pamilyang Ungab ang hustisya sa kamatayon sa ilang anak.
Miingon si Alex Ungab, amahan ni Gexie nga wala silay laing ampo kundili mahimutang ang kalag sa ilang anak.
Nadawat na usab sa pamilya sa biktima ang kalit ug mapait nga pagtaliwan sa ilang anak.
Gitin-aw sa amahan sa biktima nga wala na silay laraw nga mupasaka pa ug kaso batok sa mga suspek ug bahala na ang mga kapulisan nga muhimo sa ilang tahas.
