Mubalik na ang klase sa mga tunghaan sa DepEd Cagayan de Oro City, sumala ni Schools Division Superintendent Roy Angelo Gazo.

Sa labing lab-as nga Division Memorandum 912-2025, gitin-aw ni Gazo nga kadto lang mga tunghaan nga nahatagan sa sertipikasyon sa Office of the Building Official (OBO) ang mag-resume ang klase kay luwas na gamiton ang mga lawak saringan.

Lakip sa mag-resume ang klase mao ang tanang tunghaan sa kabukiran o rural public schools nga walay liki o depekto, ilabi na ang mga one-storey buildings.

Gihataga’g direktiba si Gazo nga ang tanang school heads nga gi-clear sa OBO nga kinahanglan mureport kang Ryan Blanco, ang DRRM Coordinator, aron hisgutan ang plano sa pagpadayon sa klase.

Gilauman nga hapsay ug luwas ang pagbalik sa mga estudyante sa ilang mga tunghaan.