Gipadayag sa Camiguin Police Provincial Office nga padayon ang pagdagsang sa mga lokal ug langyaw nga turista sa isla, ilabi na sa pagpatuman sa mga kalihokan sama sa ultra marathon karong Holy Week.
Sumala ni CAMPPO PIO PLTCOL Silvestre Asiong, giandam na ang security coverage alang sa maong kalihokan diin gilauman ang daghang partisipasyon sa mga atleta ug bisita.
Dugang pa niya, buhi ug aktibo ang turismo sa isla bisan sa gabii tungod sa taliabot nga Holy Week ug bakasyon, diin dagsa ang pagbisita sa mga turista.
Gipasiugda usab ni Asiong nga ang kapulisan kauban ang ubang security personnel anaa sa estrikto nga pagbantay aron masiguro ang kahapsay ug kaluwasan sa tanang kalihokan.
Busa, padayon ang koordinasyon sa mga otoridad aron mapreserbar ang seguridad sa isla karong peak season sa Holy Week.(written by James Oliver)
