CAGAYAN DE ORO CITY – Giapelar ni City Mayor Klarex Uy sa katawhan nga dili mohunong sa mga pagpangaliya sa kahitas-an alayon sa pagkab-ot sa kahusay’g kalinaw sa dakbayan.
Kini nunot sa pagsugod na sa mga kalihukan nga mo-sentro sa laing tuig sa kapistahan sa patron sa Sr San Agustin sa dakbayan sa Agosto 28.
Miingon ang mayor nga layo na ang naabtan sa mga paningkamot nga giunhan sa mga nanganging mga mayores rason nga angay mapadayon ang panaghiusa alang sa ikalambo’g dugang sa dakbayan.
Gihimo ni Uy ang pagpalanog sa mensahe atubangan sa libuang katawhan nga misaksi sa pagbukas sa Higalaay Festival 2025 sa Rio de Oro Boulevard ning syudad sa miaging semana.
Hisayrang migahin ang dakbayan sa 20 milyones pesos nga pondo alang sa 58 ka nagkadaiyang kalihukan sa kapistahan ning tuiga.
