Gihagit sa lay theologian nga si Wilson C. Amad ang mga Pilipino nga ipakita ang katarong ug lig-ong pagkahiusa aron epektibong mapakgang ang hulga gikan sa China.
Bisan pa man sa dakong kalainan sa abilidad sa mga armas, nagtuo siya nga ang pagbaton og maayong imahe atubangan sa international community maoy magsilbing depensa sa nasod batok sa mga dautang taktika sa pagbahin-bahin sa katawhan.
Pasabot pa ni Amad, sagad sa estratehiya sa China mao ang pag-infiltrate sa mga lider sa nasod pinaagi sa pagtanyag og kwarta aron huyangon ang pagkahiusa sa mga Pilipino.
Busa, iyang gipaniguro nga pinaagi sa maong pagpaningkamot ug pagbarug sa prinsipyo, mahimong mas lig-on ang Pilipinas sa pagsagubang sa bisan unsang hulga gikan sa gawas.
