Panagutin Lahat! mao kini ang panawagan sa grupong Taumbayan ayaw sa magnanakaw at abusado network alliance kon (TAMA NA) sa White Ribbon March nga ilusad karong adlawa sa EDSA Shrine sa kaulohan.
Gibutyag ni Prof. David San Juan sa maog grupo nga kinahanglang manubag na gayud ang tanang opisyales nga nalambigit sa mga anomaliya ilabi na sa mga isyu sa korapsyon ug pagwaldas sa pondo sa katawhan.
Gipamugos karon sa grupo ang pagpadayon sa imbestigasyon sa flood control scam ug sa paggamit sa dako nga confidential funds sa administrasyong Marcos ug ni Bise Presidente Sara Duterte aron mahatagan na ug hustisya ang katawhan nga biktima sa mga kawatan .
Gihatagan usab og gibug-aton sa propesor nga panahon na aron matuldokan ang paghari sa mga korap nga dinastiya pinaagi sa pagpaningil og pagpanubag sa mga abusadong opisyal.
