Dili eleksyon kon dili panagway sa giyera ang gipakita sa gobyerno sa Lanao del Sur pinaagi sa pagpadala og mga attack helicopter, tanks, ug artillery.
Gipasabut ni Mindanao State University 4 Palestine Lead Convenor Asmana Umpat nga sa sobra sa katunga sa mga lungsod nga gibutang sa red level, nakahimo ra kini og dugang kahadlok sa mga botante imbes nga maghatag og hapsay ug libre nga pagbotar.
Tungod sa maong pagbaha sa mga militar ug kapolisan, nanawagan ang batan-ong lider nga itukod ang tinuod nga pagrespeto sa dignidad sa mga Moro aron makapili sila sa ilang lider nga walay hulga o pagpang-hadlok.
Gumikan niini, gipamugos sa grupo nga kinahanglang magpabilin nga naay kalinaw, patas, ug walay pag-abuso ang maong makasaysayang unang BARMM Parliamentary Elections.
