CAGAYAN DE ORO CITY – Nasunog ang pinuy-anan ni City Councilor George Goking diha sa Vamenta Boulevard, Brgy Carmen ning syudad.
Kini human kalit nagdilaab ang ikaunom nga kuwarto sa ikaduha nga andana sa maong pinuy-anan ug paspas mikaylap sa ubang bahin niini.
Miingon si BFP-Carmen sub-station commander SFO3 Samson Velarde nga gisuta pa sa ilang mga imbestigador ang hinungdan sa maong sunog.
Hinoon,walay tawo nga apektado apan mitala kini’g balor usa ka milyon ka pesos nga structural damage.
Miingon usab ang anak sa konsehal nga si Chris Goking nga kabahin sa nasunog ang ilang mga alahas ug wala matino nga kantidad sa salapi.
