Nagpabilin nga generally peaceful ang kahimtang sa Lanao del Sur taliwala sa mga nitumaw nga balita bahin sa kagubot sa ubang dapit sa BARMM atol sa eleksyon.
Giklaro sa tigpamaba sa Iligan City Police Office nga si Police Major Zandrex Panulong nga wala silay nadawat o nabantayan nga bisan unsang kasamok sulod sa maong lalawigan.
Gipasabot usab sa opisyal nga gipahugtan gihapon nila ang seguridad pinaagi sa red alert sa Pantar ug Balo-i nga maoy pangunang mga border checkpoints tali sa Lanao del Sur ug Iligan City.
Giila kini aron masiguro nga dili makatabok ang kagubot sa Iligan City diin nagsalig ang mga negosyo ug suplay sa katawhan.
Tungod niini, nagpahinumdom ang kapolisan sa publiko nga magmatngon sa mga makita sa social media samtang padayon nilang gipanalipdan ang kalinaw sa kabukiran ug mga utlanan.
