Panumduman sa mga paryente sa Maguindanao massacre, pabiling presko
Wala pa gihapon mawala sa panumduman sa katawhan ilabina sa mga paryente ang nahitabong pinakangilngig nga massacre nga gikamatay sa kapin 30 ka mga sakop sa media sa Ampatuan, Maguindanao mag usa ka dekada na ang nakalabay.
Maoy rason nga mibiyahe pa gikan Gensan padulong sa syudad si Emely Lopez, chairman sa Justice Now movement aron magkatigom sila sa Press Freedom monument niadtong adlawng Sabado.
Matud ni Lopez nga padayon gayud nilang tutukan ang dagan sa kaso aron mapanubag ang mga responsable.
Giangkon usab niya nga may mga kauban sila nga gitanyagan sa salapi aron hikalimtan na lamang ang maong hitabo.
Apan nagpabilin gihapon sila nga maisugong naghandom nga makab-ot ang hustiya sa mga biktima sa niloob nga kremin.
