(Update) CAGAYAN DE ORO CITY – Gihupay ni Camiguin Lone District Congressional candidate Paul Rodriguez ang iyang supporters nga dili lang mabalaka.
Kini bisan nga gipahamtanga’g disqualification decision sa Commission on Elections 2nd Division sa iyang kandidatura batok kang incumbent Camiguin Lone District Cong. Jesus Jurdin sa May 12 elections.
Sumala ni Rodriguez nga tipik lang kini sa electoral process nga angaya lagpasan sa iyang kandidatura nga mugna sa kaatbang niini sa maong katungdanan.
Siya miingon nga dili lang angay maguol ang mga tawo sa isla kay molugwa ra gihapon ang kamatuoran kabahin sa iyang pagsilbing lumad nga residente sa Camiguin.
Namahayag kini nga nakigkita na siya sa election experts aron han-ayon ang sunod nila nga lakang alang sa iyang kandidatura.
Nasayran usab nga kanhi supporter sa mga Romualdo si Rodriguez sa milabay’ng mga katuigan.
Hisayrang gipaboran sa Comelec ang petisyon ni Romualdo nga dili angay tugtan makadagan si Rodriguez kay sa Cebu City kini nakabase ug sukwahi sa impormasyon nga dugay nang nagpuyo sa isla.
