Gitin-aw ni Xavier Ateneo School of Law Assistant Dean Atty. Ernesto B. Neri ang mahinungdanong papel sa mga batan-on nga kinahanglang makig-alayon sa mga panaghisgot bahin sa katungdanan sa mga opisyal ug panudlanan sa nasod.
Atol sa gihimong Pag-barog Youth Forum sa Xavier University kagahong adlawa, gipahayag sa abogado nga angay lang magpakabana ang kabatan-onan tungod kay sila ang makapahimulos ug musunod sa kahimtang sa panggobyerno sa umaabot nga mga adlaw.
Dugang pa sa legal expert, ang proseso sa impeachment nagsilbing legal nga mekanismo aron mahatagan og kalinaw ug mahibal-an ang matuod nga bahin sa mga pasangil batok sa Bise Presidente.
Tungod niini, gilauman nga tugotan ang duha ka bahin nga makapresenta sa mga ebidensya sa Senado aron ang mga lungsanon ug ang mga Senador mismo ang makatimbang-timbang sa katapusan nga kasulbaran sa maong isyu.
