CAGAYAN DE ORO CITY – Nasubo dili lang ang naglangkob sa simbahang Katolika sa arkidiyoses sa Cagayan de Oro apan mismo sa mga tawo nga nakaila ug nagiyahan sa usa mga haligi sa pagtoong Kristiyanismo nga si Reverend Msgr Elmer ‘Kido’ Abacahin,PC nga ubos sa Society of Saint John Vianney ning syudad.
Kini human kompirmaha sa Archdiocese of Cagayan de Oro Social Communications Apostolate ang pagpanaw ni Abacahin sulod sa Xavier University- Maria Reyna Hospital sa Brgy Camama-an ning syudad kagahaning buntag.
Wala na lakbiti sa ACDO-Social Com ang hinungdan sa kamatayon sa dakong opisyal sa simbahan ning dakbayan apan wala matago sa kadaghanan nga nag-antos kini sa balatian nga kanser.
Gihangyo ang kaparian nga ubos sa arkidiyoses ug sa mismong sumusunod sa pagtulun-ang Katolika nga mohalad sa mga pag-ampo alang sa kaluwasang dayon sa kalag niini.
Ilado nga pagka-pari si Abacahin tungod kay gawas nga halos nalibot na niini ang pagdumala sa mga dagkong simbahan sa syudad ug lalawigan,aktibo usab kini kaniadto sa media apostolate sa arkidiyoses ug nangulo usab isip presidente sa Cagayan de Oro Press Club (COPC).
Ulahing gidumala ni Abacahin nga lumad taga-Talisayan ang parokya sa lungsod sa Alubijid,Misamis Oriental sa miaging katuigan.
Gipatungha usab kini sa duha ka tuig didto sa kauluhan ug sa pagbalik maoy gidumala sa usa ka kabtangan o puluy-anan sa arkidiyoses sa Brgy Camaman-an diin kauban niya ang mga kaparian.
